Ocio (煙廠街) (已結業)

旺角呢间cafe一直多好评，我已经bookmark好耐。我同朋友点了两个set dinner，包左餐汤、主食同埋饮品，另外当然点了人气嘅窝夫甜品。All day breakfast 谂唔到食咩好嘅话拣All day breakfast 就啱晒，因为好丰富。基本嘅茄汁焗豆、牛乳炒蛋、香肠、沙律、薯条都有齐，而且味道好唔系hea嘅。仲有我最钟意烟三文鱼、厚煎鸡扒同埋枫糖窝夫。鸡扒皮煎得脆卜卜，咬落去有油香同埋鸡肉唔干。窝夫好好味，外层少少趣，内里是松软棉密，好香蛋味，加上枫糖好好味。鲜茄罗勒大虾海鲜意粉大虾好爽口，仲有鱿鱼仔圈、八爪鱼须同埋蚬肉。呢个酱汁系鲜蕃茄蓉，酸酸甜甜加上香草调味，好香浓醒胃，配意粉一流，好挂汁，配海鲜味道好夹，好味。朱古力布朗尼窝夫终于都到期待已久嘅窝夫，我哋系朱古力控，就拣左呢个由头到尾都系朱古力味嘅。外层微脆内里松软嘅窝夫好香朱古力同埋蛋味，加上绵密湿润嘅brownie特浓朱古力香同埋有好多脆脆合桃粒，配上冰冻雪糕一齐食，好正。虽然全部都朱古力味，但都唔会好甜，食多件都唔腻。