四點金飯店 (已結業)

早排老公先講開好耐冇食過鹵水鵝，點知就俾我發現屋企附近又有新食店，仲要係潮州野～～梗係要同老公試下啦～～啱啱入完第一輪食客，我地就要等⋯⋯但為左食好野，咁就繼續等⋯⋯等左差唔多個半鐘，終於入得～～～門口位一大堆滷味都擺呀出黎，都幾吸引咁簡單的菜單一坐低就有個鹹菜食下，開胃開胃～～咸菜胡椒豬肚湯：每次見到都會點，呢個就比較精緻～～咸菜味濃，豬肚又夠淋滷水獅頭鵝：特登為佢而黎，點可以唔叫呢？！滷水味香、鵝味濃～～食落肉質都夠淋～～老公食得好開心，好滿足～～家鄉煎蠔仔烙：以為係蠔餅咁，點知係好似蚵仔煎咁，一pat pat糊狀口感⋯⋯唔太鍾意方魚肉碎粥：硬實實既方魚好好味～～總括黎講，食物都唔錯～～但侍應有待訓練，始終新店，好多野未順暢咁～～有機會會再食過呀。