更多
2021-06-11
7695 浏览
贵为香港其中1间最受欢迎既自助餐餐厅,普庆餐厅自然有佢既吸引力响度。今晚就由小编带大家参观下呢排推出以烧烤为主题既自助餐啦!普庆餐厅位于佐敦与油麻地之间 (佐敦会稍为近少少),当大家沿弥敦道,经过永安百货对面,以及寿司郎后,就会见到餐厅所在既逸东酒店喇! 沿楼梯或升降机落到地库二楼就系餐厅所在地。餐厅有个好大既中庭,虽然食野既同时会俾楼上地库一楼既Foodcourt客人所见到,不过够开扬既感觉都唔错。餐厅最大既特色系唔同种类既食物会被安置于餐厅唔同既范围,响分散人流既同时就可以令你身边坐位既附近都有1-2个系列既食物! (当然,如果你唔钟意周围发掘食物既话就会俾呢个美食迷宫所困扰喇!事不宜迟,都系介绍下有咩野食先,传统黎计小编都系先以冷盘为自助餐既开端既! 生蚝会黎自纽西兰 (无提及品种),虽然唔系即开但员工都会以每只冲洗5-10秒时间去处理生蚝,确保所有壳碎已冲走先给予客人。虽然每人每次最多只可拎2只,不过因为唔算多人排队既关系,所以重复去拎所花既时间都唔会太多。海鲜方面,餐厅用上大量既海鲜去堆砌一座座既海鲜山 - 唔好以为会因为大家争先推后抢夹而令情况混乱,餐厅因为防疫既考虑会由员
普庆餐厅位于佐敦与油麻地之间 (佐敦会稍为近少少),当大家沿弥敦道,经过永安百货对面,以及寿司郎后,就会见到餐厅所在既逸东酒店喇! 沿楼梯或升降机落到地库二楼就系餐厅所在地。餐厅有个好大既中庭,虽然食野既同时会俾楼上地库一楼既Foodcourt客人所见到,不过够开扬既感觉都唔错。
餐厅最大既特色系唔同种类既食物会被安置于餐厅唔同既范围,响分散人流既同时就可以令你身边坐位既附近都有1-2个系列既食物! (当然,如果你唔钟意周围发掘食物既话就会俾呢个美食迷宫所困扰喇!
事不宜迟,都系介绍下有咩野食先,传统黎计小编都系先以冷盘为自助餐既开端既! 生蚝会黎自纽西兰 (无提及品种),虽然唔系即开但员工都会以每只冲洗5-10秒时间去处理生蚝,确保所有壳碎已冲走先给予客人。虽然每人每次最多只可拎2只,不过因为唔算多人排队既关系,所以重复去拎所花既时间都唔会太多。
海鲜方面,餐厅用上大量既海鲜去堆砌一座座既海鲜山 - 唔好以为会因为大家争先推后抢夹而令情况混乱,餐厅因为防疫既考虑会由员工因应大家想食既海鲜而拎俾你,客人系无得自己选夹既。不过大家可以放心,以小编今晚食既情况,员工系会好豪爽咁问你食咩,然后再一手抓起佢抓到既份量直接放响碗上。以小编只系想食虾为例,结果员工抓起3只虎虾﹑然后再抓起8只海虾同2只青口俾我... 不过虎虾相对海虾真系鲜甜好多,而龙虾虽然尺寸唔算太大,但都有唔少膏响度,而且肉质结实好好咬!
至于鱼生及刺身方面,今日餐厅就准备左三文鱼﹑吞拿鱼﹑剑鱼﹑带子﹑牡丹虾及北寄贝6款俾客人选择。如果每样都要既话,师傅就会每款切2件俾你去试试呢! 见到师傅每次如果客人全要个阵都要慢慢逐条鱼拎出黎新鲜咁切,辛苦哂! 牡丹虾连埋大量既虾子,食个阵要小心整开;而三文鱼同吞拿鱼唔会有太多雪气或者出水既情况,都几好味!
烧烤方面,餐厅就将扒类既食品同其他烧烤类既食品分开展出,扒类今晚就有纽西兰肉眼扒﹑猪腩肉,旁边就有烤鸡,仲有镜头唔记得记录既巴西串烧鸡或肠。肉眼扒煮得算比较熟,但食落去个阵又唔会觉得肉质太老,都几适当钟意食扒而唔想太生既客人。(小编都见长期有人排队拎)
至于另一边既烧烤类就有烧腩肉﹑咖哩酥﹑叶包鸡等等,虽然相对吸引度唔大但烧烤菜类都系想食得较浓但又想健康既好选择。
而后场地方就有中式食品,包括限时供应既片皮鸭﹑蒸鱼﹑虫草花蒸鸡等等。片皮鸭会由员工切好后,直接帮你加大葱及酱料,每人每次可以拎2件。鸭皮烤得好脆口,虽然包皮稍为有点厚,但鸭皮既脆绝对弥补到。
中场范围则有健康既粟米﹑南瓜,而旁边则有长通粉同意粉。
而小编觉得最好味既,就系响中场范围附近既甜品区。首先今晚既Movenpick雪糕有7款 (之前小编食个阵有10款..),除左响甜点区内大量既甜品外,仲有即制既窝夫。最后大家不妨可以试下响雪糕位置附近既威士忌松露朱古力,威士忌份量十足,作为满足饮酒既欲望都唔错架!
张贴