📍旺角彌敦道628號瓊華中心11樓
🌟台灣養生涮涮鍋吃到飽套餐有4款選擇
今次試下食牛小排餐 (💰598)
呢個餐精選既肉有以下呢5款
💫極上Prime Grade霜降牛小排
💫Prime Grade安格斯牛麵團
💫美國SRF極黑和牛肩脊肉
西班牙伊比利亞黑毛豬
西班牙無激素雞豬肉片
其他嘅火鍋配料，飲品，湯底所有套餐都係一樣既
湯底有19款選擇，主打係台灣特色嘅湯底
例如有麻辣鴨血，藥膳花膠雞等等
我地揀左台灣養生醉雞涮涮鍋(*´∇｀*)
一黎到好香好香！有醉雞既味道！
入面係有幾舊大舊既雞同埋豆卜👍🏻
出邊有個自助飲品區，有唔少既特色飲品或者汽水
最鍾意就係飲冷泡茶～好解渴又解膩
火鍋🍲配料要用QR code落單
方便同埋上菜都好快手～唔駛等好耐就好快有得食
肉類方面比較推薦精選既牛！好薄好嫩入口唔會靭
手工丸同自家餃都好特別幾好食
黑松露墨魚丸有好香濃既黑松露味
醬爆濃芝牛丸有流心既芝士鹹鹹地～
我見每枱都送左個黃金地瓜條
有四款調味粉俾你shakeshake(о´∀`о)
個人覺得甘梅粉最夾
上枱熱辣辣脆卜卜～原價💰48
食到最後每人都可以嗌一款dreyer’s 既雪糕🍦
食完鹹既飽飽地，食返少少甜野就滿足晒😽
