靚煲皇

約埋幾個朋友出黎食飯, 想慢慢傾所以去左食小菜, 飲番杯.

天氣熱想刺激下胃口, 要左個銀紙香辣串串蝦, 用張錫紙焗住咁煮, 到上枱既時候先拆開. 配料好多, 有大辣椒, 芫西, 大蔥, 芝麻等, 好惹味.

D蝦好大隻, 蝦頭仲有好多蝦膏, 好鮮甜. 蝦身肉質好彈, 好爽口. 果D辣味入晒味, 但唔算好辣.

另一樣開胃小菜要左梅仙子小鮮肉, 小鮮肉係豬肉, 啖啖肉有肉鮮味, 唔係雪藏肉, 梅味入晒味, 酸酸甜甜易入口, 夏天好合適, 而且細細舊食落無咁易飽濟.

仲有好多款私房小菜未嚐試, 遲D會再黎.