食好西永遠唔嫌遠
又係串燒日當去到 #堅尼地城
三訪 ENSO
基本上係見證住呢區由靜英英得居民變到成為個「風景區」
穿插喺人群中終於抵陣
隔住玻璃見證遊客喺海邊喪打卡
一門之隔隔絕室外嘅喧鬧
相信各位local 都只係想靜靜哋食個靚lunch
串燒方面必食推薦有
燒雞胸軟骨
唔好睇漏字，係雞「胸」軟骨
唔似雞軟骨咁食到脂肪位會覺油膩
最鍾意佢一啲都唔油嘅爽脆口感
另外白鱔、牛舌同西京燒都唔錯
特別係西京燒個西京燒汁調味獨特
仲有燒和牛肋肉
好似食緊炸牛腩咁外層絲絲焦脆內裏仍軟嫩
鍾情月見免治雞肉棒嘅朋友
或者會有興個手打免治雞肉棒盛合
有三款包括原味嘅雞肉棒+蛋黃醬配搭
同自創嘅芝士免 & 手打番薯兩款免治雞肉棒
個人幾鍾意手打番薯嘅香甜軟糯口感
牛舌控都可以試埋個冷盤嘅山葵牛脷
薄切加酸甜汁都幾開胃（但我鍾意燒牛舌多d)
其次係店員推薦嘅鱈魚祭新菜單
·鱈魚肉溫泉蛋沙律
·北海道牛乳鱈魚湯烏冬
·牛油芝士焗鱈魚塊
·鱈魚串(明太子& Wasabi味)
鱈魚嘅肉質偏硬
所以四款新菜式都食得出師傅有用心研發
務求喺變化中同時令魚肉唔會過份乾柴
不過個人建議打卡要快
放涼了確係會影響口感 lol
特別一讚個
個人覺得鱈魚湯烏冬
鱈魚肉鬆、鱈魚肉碎、烏冬同鱈魚湯四層layers
組合新穎
但對於我呢類鍾情魚湯原味嘅朋友嚟講
反而更期待師傅可以做個authentic嘅魚湯版
鮮香絕對會更吸引我眼球
