莆田 (荃灣廣場)

营业中

休息中

放工约左同事去荃湾行街，行到天昏地暗到感到肚饿时，原来已经9点了。同事仔问我想食咩? 对于一个路痴既我话冇所谓，但突然间好想食新加坡菜，佢就带左我黎依度。我哋叫咗三样嘢，虾苗拌头水紫菜，莆田扁肉汤同兴化米粉。虾苗拌头水紫菜 - 上枱时只见到一堆野，食落口酸味味，令我谂起中菜既凉拌木耳，醒胃可口。紫菜一丝丝的，要人帮帮手弄断。莆田扁肉汤 - 一锅上枱，汤底清甜，有少少酸味味，锅内有好多粒类似小云吞既东西，每粒都系小猪肉，虽然食唔出咩味，但感觉不错。兴化米粉 - 一堆米粉加好多配菜，如花生、切左丝既娃娃菜、豆卜、菇等等。食左第一啖米粉，口感幼滑，虽然未到入口即溶，但参不多有这种感觉。米粉有用调味料兜过，并非霎熟咗放上碟𠮶种。最后，佢既茶有清香既菊花味，饮左第一口既感觉好舒服。今次前菜系香脆紫菜同花生，味道不错。但眼见餐厅唔够员工，有位但要等入座要点时间 。