燚 (已結業)

之前預約過一次可惜撞正打八號波去唔成😂今次總算嚟到呢間神秘嘅鐵板燒餐廳😃佢嘅隱蔽式門面可能令好多人唔為意佢係一間餐廳。呢種VIP式私隱度極高嘅用餐體驗幾特別，會有種令人期待嘅吸引力。Badboy同朋友懶得諗食乜，揀咗入門級嘅廚師發辦套餐🤭一切交俾師傅安排，唔洗左諗右諗心大心細。👨🏻‍🍳入門廚師發辦套餐$588Badboy坐吧檯位，可以近距離觀賞師傅整鐵板燒，每一碟嘅擺盤都非常精緻。🥗沙津有幾款唔同嘅蔬果，清甜開胃。🦪鐵板海鮮兩品有鮑魚同扇貝，飽魚好彈牙口感好爽，蒜蓉汁好惹味。黑松露扇貝好香黑松露味。可以配埋蝶豆花海鹽泡泡一齊食😃🐓鐵板肉類一品係燒秋田雞配蒜香牛油汁，肉質比想像中嫩滑香口。粒櫻桃蘿蔔整成一粒小磨菇咁好得意😆🍚炒飯落咗蛋、蔬菜粒炒，每人一隻彈牙大蝦，配埋咸脆嘅紫菜一齊食會更好食😄🧁甜品名叫飄浮之島，原來係雲呢拿蛋白霜吉士醬😆面頭灑咗七彩朱古力碎碎，意外地唔會太甜又好滑好好味，一啲都唔膩。另外badboy同朋友叫咗Kirin同Red house生啤飲，Red house甜啲但酒精濃度高啲。朋友覺得Kirin比較易入口。