影片
更多
2018-01-04
262 浏览
同事生日茶聚，梗係要食得豐富一點啦 ﹗生飛滋、旋風叉燒包、什菌生滋貓、雷生湯丸、正菜肉酸窩米、蒸雙丸、柚皮鴨腳、豉味有排吉、師拉燒賣皇、梅菜肉鬆腸粉、等等等等等！Lucky day，突然有免費午餐，多謝老闆喎﹗其實真正原因係陪客食飯囉，呵呵呵。滿身酒氣醉住飲茶，答應左同事們點可以失約喎！昨晚行程緊密 Soho、After 5、Baby、伊之吧！爆醉四點幾先返到屋企。今日都唔例外，朝七點爬起身即黎紅磡稻香，收工要上水、銅鑼灣，最後大埔，仲後生咩。豉汁虎皮尖椒，有核既微辣、無核既香甜，熱辣辣送上，越食越喜愛呢。尖椒十分爽甜，混上種籽又會散發辛辣，兜埋惹味蒜頭豆豉，甜甜地、咸咸地加上辣辣地，好好味啊。煎堆仔，我不吃甜品的，見到都驚呀﹗豆沙餡略甜，加上芝麻香口帶脆，可以。如果是大隻空心無餡那款，比較受樂。炸饅頭，不愛吃甜的我當然望而卻步啦 ﹗不過都可以試啖既，原味齋咬，外層微脆，裡面乾爭爭，不喜歡。滾上煉奶甜到漏，受不了 ﹗醬皇豬大腸，可遇不可求，不是經常見到有得食呢，即刻試試龍定蟲先。芡汁勁厚黏到實一實，大量杰撻撻醬汁漿住您個嘴，味道特濃略咸。大腸洗得乾淨，亦沒有任何腥嗅味道，趙落都充滿彈性
滿身酒氣醉住飲茶，答應左同事們點可以失約喎！昨晚行程緊密 Soho、After 5、Baby、伊之吧！爆醉四點幾先返到屋企。今日都唔例外，朝七點爬起身即黎紅磡稻香，收工要上水、銅鑼灣，最後大埔，仲後生咩。
豉汁虎皮尖椒，有核既微辣、無核既香甜，熱辣辣送上，越食越喜愛呢。尖椒十分爽甜，混上種籽又會散發辛辣，兜埋惹味蒜頭豆豉，甜甜地、咸咸地加上辣辣地，好好味啊。
煎堆仔，我不吃甜品的，見到都驚呀﹗豆沙餡略甜，加上芝麻香口帶脆，可以。如果是大隻空心無餡那款，比較受樂。炸饅頭，不愛吃甜的我當然望而卻步啦 ﹗不過都可以試啖既，原味齋咬，外層微脆，裡面乾爭爭，不喜歡。滾上煉奶甜到漏，受不了 ﹗
醬皇豬大腸，可遇不可求，不是經常見到有得食呢，即刻試試龍定蟲先。芡汁勁厚黏到實一實，大量杰撻撻醬汁漿住您個嘴，味道特濃略咸。大腸洗得乾淨，亦沒有任何腥嗅味道，趙落都充滿彈性，整體一般般罷了。
鮑汁炆鳳爪，出奇地好食喎，意想不到的手藝。濃濃鮑汁黏黏膠膠，味道甜美不濁夠清爽，就算用來撈飯食一樣掂呀﹗鳳爪炆到皮滑帶黏，漿漿的口感十分討人歡喜。鮑汁已滲透每吋筋肉，每啖都非常可口帶彈又帶汁，好好味啊﹗
家鄉煎薄罉，客家菜嗎？不太食到配料，厚厚的已掩蓋所有味道，蔥味及咸味較為突出，質地軟棉棉，無咩特別，平凡簡單。阿媽十分喜歡自己屋企煎，經常轉換材料，蠔仔、青口、雞肉、瘦肉、等等，有肉好食百倍啦。不過我不太感興趣，加辣椒醬都會食幾啖既。
XO 醬蟹肉餃，當然要試新菜色啦。何解散晒都照出比食客呢？賣相勁肉酸，垃圾桶拿上來？只食到少少蝦、少少蟹，最濃味係粉皮，食不到 XO 醬味道，失敗。
三式腸粉：香茜牛肉腸粉，吃不到芫茜刺鼻氣味的我，唯有硬吞落肚。以前聞到已經反胃，入口即嘔添呀。近年已經對芫茜氣味及味道無以往反應那麼大了﹗腸皮微滑，未算太厚，都到臨界點的了，現在都隱約可以見到餡料既。滑牛碎太少，味道微弱近乎不存在，加上豉油及粉皮就更加食不到啊﹗茜味比牛味更重囉。鮮蝦腸粉，大大隻的蝦仁爽爽的，不過唔彈牙，味濁不鮮，一般般啦。蜜汁叉燒腸粉，甜美叉燒碎再加清爽甜豉油味道係蠻不錯既，只是腸皮太厚，粗而不滑。
三色卷：糯米卷，兒時的回憶，可能含糯米飯甜甜地，加上麵包香噴噴，不過依家一年都未必會食到一次。微暖的糯米卷，糯米已被甜豉油完全滲透程淺啡色，散發清新甜味，不濁不嗆不過份，剛剛好。沒有什麼配料，只有幾粒花生，真的有點單調。麵包香氣及味道又不及當年，整體不過不失，作為填飽肚功能係可以的。馬拉卷，其實應該同馬拉糕一樣架喎，但何解味道及質地都相距甚遠呢？卷較硬較淡口，唔好食既。紫米卷，跟馬拉卷差不多味道，不過多了種芳香，好食少少。
口水雞，夠香夠辣還帶酸，好少可會落醋喎？香料豐富，醒神開胃，雞肉腍滑，不肥膩，無肥膏，使我停不了地吸啜。白灼娃娃菜，粗糙又沒有菜甜味，幸好有清香淺豉油添點味道乍。
山竹牛肉球，四格點心碟非常骨子又精緻喎，突然高檔左。先淋上大量喼汁，急不及待要立即整粒啪入口呢 ﹗嘩，熱到颷眼水，幸好剛剛有喼汁降降溫乍，如果唔係必定燙傷啊 ﹗不過越熱就越好食，又好難兩全其美既。牛肉香、牛肉滑，清爽的醃味添加酸甜喼汁，正喎。
川汁抄手，個個都會以為係辣既紅油抄手，因為我係大埔稻香食過，所以知道只係淋上完全唔冲既酸汁囉。奇怪地依個酸汁有極之輕微辣味道，還有少少花椒味道，不過整道菜都偏淡，就連鮮肉雲吞都淡口，唔好食。
白烚芥菜，我在大埔稻香食過是超級香甜可口的，但依碟就麻麻地喇。菜甘味強烈而菜甜味微弱，雖有甜味，但太淡。菜膽爽嫩，菜葉粗，好采無渣，滿意既。
沙薑鮮淮山，邊度鄉下架？烚完淮山淋上沙薑汁送上，簡單又易做。半爽帶粉，咸咸的有點薑味，怪怪的。拍青瓜，麻麻地，直頭低於水平。撈得不均勻，醃得不入味，好采青瓜夠爽甜，味道清新，當食原汁原味，滿意。
剁椒魚蓉釀茄子，椒還椒、茄子還茄子，求其掉劈辣椒蓉就算囉？莫非蠔油冬菇都只不過係冬菇上面加篤蠔油嗎？煎完的茄子加上剁椒蒸，似釀茄子點辣椒醬食囉，魚蓉散發咸香，煎過使的魚肉更有咬口，茄子完全溶化，茄子皮就硬掘掘呢。
金冠豆苗餃，造型永遠滿分，晶瑩剔透、若隱若現半透明，程十字飛鏢形狀十分趣緻。但我不喜歡厚厚又油油的餃皮呢，而且整體味道過於清淡平凡，雖然豆苗蓉香甜，蝦粒爽口。
金粟花枝餅，混入埋粟米粒跟麵粉一齊煎香，增加口感及層次，脆卜卜又甜甜的。煎得有點油，反晒光。味道不錯，兩面金黃香噴噴，彈彈滑滑，滿意。
金菇魚肚紮，新品種喎，四寶雞紮的素齋版？沒有肉呢，只有幾片濕潤魚肚，千奇不要拆散食，必須一啖咬齊金菇、冬菇、魚肚及腐皮，否則味道會偏淡又單調。冬菇彈彈、金菇爽爽、魚肚棉棉、腐皮滑滑，各種味道及質感共冶一爐，食得過的出品。
柚皮鴨腳，試新菜色，味道怪怪的。柚皮腍腍的似較硬的蘿蔔，帶著強烈醬油味。鴨腳皮肉皆爽，味道一般。珍珠雞，足料珍珠雞雖外表平凡，但內涵豐富 ﹗一定要大啖大啖地咬，讓荷香黏黏糯米飯粒跟甜美肉碎混和，難得加入咸蛋黃就更打得火熱，注入生命，跳盪的味道使到血液沸騰，好好食喎 ﹗
炸雲吞，鮮蝦餡細細篤不太食到，已被其他味道完全覆蓋。雲吞皮大大舊又硬掘掘，給點牙力咬吧 ﹗淋上甜酸汁，平凡得可以吧。香妃雞，全熟烚咸雞，皮滑彈彈，髀肉嫩滑結實，胸肉腍腍未見有渣，咸香非凡不濁，夾雜微弱雞味也不算啊。
香煎鍋貼，夏日 promotion $3 蚊碟，即係 $1 隻喎，堅平呢。開心到狠狠地大大啖咬落去，我即時悲鳴，嘩嘩呀呀呀 ﹗餃皮厚厚，十足食緊無餡齋包一樣，豬肉餡微細到差點找不著，難怪平到 $1 蚊隻，又再次證明那有大大隻蛤乸隨街跳，平野無好。
香煎蘿蔔糕，阿媽的蘿蔔糕最足料最好食，所以我一般都不會食街的呢。沒有蘿蔔絲的蘿蔔糕，只有幾點叉燒碎，粉多蘿蔔少，煎香了又如何喎？味道合格。
張加單既點心紙交給拿住盤燒鵝骨阿姐，誰知無入單，連張點心紙都唔見埋﹗算數，埋單閃喇！
豉汁虎皮尖椒
34 浏览
0 赞好
0 留言
煎堆仔
20 浏览
0 赞好
0 留言
醬皇豬大腸
9 浏览
0 赞好
0 留言
鮑汁炆鳳爪
17 浏览
0 赞好
0 留言
家鄉煎薄礃
10 浏览
0 赞好
0 留言
xo 醬蟹肉餃
13 浏览
0 赞好
0 留言
三式腸粉
10 浏览
0 赞好
0 留言
三色卷
12 浏览
0 赞好
0 留言
口水雞
13 浏览
0 赞好
0 留言
山竹牛肉球
20 浏览
0 赞好
0 留言
川汁抄手
30 浏览
0 赞好
0 留言
白烚芥菜
17 浏览
0 赞好
0 留言
白灼娃娃菜
17 浏览
0 赞好
0 留言
沙薑鮮淮山
11 浏览
0 赞好
0 留言
剁椒魚蓉釀茄子
7 浏览
0 赞好
0 留言
拍青瓜
8 浏览
0 赞好
0 留言
金冠豆苗餃
12 浏览
0 赞好
0 留言
金粟花枝餅
11 浏览
0 赞好
0 留言
菇魚肚紮
14 浏览
0 赞好
0 留言
柚皮鴨腳
12 浏览
0 赞好
0 留言
炸雲吞
17 浏览
0 赞好
0 留言
炸饅頭
45 浏览
1 赞好
0 留言
珍珠雞
31 浏览
0 赞好
0 留言
香妃雞
22 浏览
0 赞好
0 留言
香煎鍋貼
8 浏览
0 赞好
0 留言
香煎蘿蔔糕
5 浏览
0 赞好
0 留言
张贴
