砵砵車仔麵 (已結業)

有好野梗係要開心share！元朗砵砵車仔麵真心誠意推薦大家幫襯下，感受下咩叫人情味！哩間車仔麵係野食正，老闆娘更正！話說之前行過見到哩間野，本住試吓味嘅心態入去食，結果有幾正喎！我叫左好多餸麵，大概有六七樣餸，勁大碗，淨係個賣相都好吸引。一場黎到唔知食咩好，梗係要試吓佢嘅招牌小食。老闆娘好熱情，見到我唔知食咩好，都會過嚟推薦翻。咁我就要咗雞翼尖，麻辣豬肚絲，滷水雞翼，牛筋，水餃，沙嗲粗麵。每一樣餸都做到好出色，尤其是係雞翼同雞翼尖，好入味，連骨都想吞埋落肚哈哈😄！同埋一定要試吓麻辣豬肚絲，好夠辣！惹味之選，鍾意食辣真係要試吓！