洪記士多 (已結業)

呢度真係十分隱閉, 我呢種唔識路既外來人一定搵唔到呢個地方! 如果唔係有阿SIR帶路都唔會識得黎! 果然冇介紹錯!!我點左牛腩河, 牛腩好腍、好入味! 仲有淡淡既南乳味! 但其實本人有少少討厭南乳, 但都覺得好夾! 好好食!同學仔點左燒鴨米, 碗燒鴨米黎到, 個個同學都即係"嘩"一聲! 成隻脾上ga!! 問佢好唔好食佢話超正!!! 唉! 好想食! 燒鴨米比起牛腩河更大誘惑!! 另外點左片魚頭齊齊分享, 本人就唔太喜愛呢樣, 好油! 冇咩魚味...連同學仔們都大表失望! 即係可以叮走la....Anyway, 咁既價錢, 咁好既食物, 咁隱世既地方, 咁靚既view! 一定會再黎la!!!