樂天皇朝 (利舞臺廣場)

2

皇朝小籠包

$148

呢間新店喺正我公司附近，環境唔錯，同同事黎食飯，今次都係第一次食呢度最出名嘅皇朝小籠包。每粒都真係有相應嘅料喺入面。八種色八種味道：原味、糟溜絲瓜、鵝肝、黑松露、芝士、蟹粉、蒜香、川味。芝士仲可以拉絲真係好過癮。而我認為蟹粉、蒜香同川味係特別得黎又好味嘅。

酸菜魚

$238

主食我地仲叫左酸菜魚，滑魚片同咸酸菜份量幾多；仲有花椒、豆腐、蒿荀、粗粉絲等等，岩哂唔食得太辣但又想食酸麻菜式嘅同事A，有麻有酸少少辣，唔嗆喉。

李白醉雞

$92

豆沙窩餅

$62

另外order 嘅嘢都幾好食，清清地嘅芝麻醬油麥菜，清爽得黎有少少麻醬香；李白醉雞雞皮爽滑，肉質好嫩，酒味濃郁；豆沙窩餅個餡調得好好。有豆味唔算好甜都ok。

蘿蔔絲酥餅

$52

一致好評仲有個蘿蔔絲酥餅，真係整得好好，外層酥脆，蘿蔔絲清甜。