藏 (已結業)

喺電視睇到介紹覺得好吸引，膽粗粗約朋友去試。去咗食晏晝因為相信晚飯會超級貴。地方唔係好大不過都算坐得舒適。雖然我哋好遲先至再加咗兩個人。但係佢哋最後都安排到坐得舒舒服服招呼唔錯。叫咗佢其中最出名嘅海膽龍蝦飯，非常滿意，成隻龍蝦肉切曬落個飯度，馬份海膽質素亦非常高，其他朋友嗌嘅嘢食都令大家好滿意尤其是壽司非常新鮮質素極高。雖然唔算平，但係我相信我都會再去食。下次我相信我一定要試呢一間食肆嘅壽司。因為聽其中一個朋友講天婦羅就雖然唔差但係同其他日本食肆嘅質素差唔多。