影片
更多
2013-08-15
2738 浏览
舅仔搞结婚，想出尖沙咀睇吓场，开声叫埋小弟帮吓眼，做姊夫嘅梗喺要撑啦，所以是晚就联同埋未来弟妇（有啲话正式应该叫「舅嫂」，中式称谓有时都几复杂，好彩依家都直接叫名多），三人行嚟咗霸王山庄，唔喺晌度睇场，嚟医肚啫！唔经唔觉，原来主打京川沪杭菜嘅霸王山庄都开咗有成10年，一间店开得有咁上下年资，可以话基本质素都唔会太差，再者，晌小弟印象中，佢哋嘅出品都唔错，属中上之列。今晚嚟到，一入门口睇落都几旺场，原来楼下已经满晒，被安排坐楼上，仲好啦，无咁多人出出入入添。之但喺楼上嘅楼底比较矮，所以再晏啲人多就有点嘈杂喇。餐牌部份菜式图文并茂，而菜式分为8大类：冷盘前菜、猪牛羊、鸡鸭、鱼虾、蔬菜、汤、面饭、点心，大部份都列清楚喺边度菜系。茶位收$10位，而小食收$5位（其实都喺得𠮶一兜仔，不过就挺好食），另收加一服除务费，事不宜迟，快啲点嘢先！马兰头伴豆干 $66沪菜嘅经典冷盘，记得上次食就嫌佢豆干太少，少到唔觉，今次就好好多；而马兰头依然刴得细碎，但不失咬口，不过，卖相就仍然咁老土俗套，哈哈。霸王小笼包 $35舅仔喺小笼包死硬粉丝，所以一有小笼包就必叫。一笼有4件，睇外观似模似样唔失礼，外表呈半透明
唔经唔觉，原来主打京川沪杭菜嘅霸王山庄都开咗有成10年，一间店开得有咁上下年资，可以话基本质素都唔会太差，再者，晌小弟印象中，佢哋嘅出品都唔错，属中上之列。今晚嚟到，一入门口睇落都几旺场，原来楼下已经满晒，被安排坐楼上，仲好啦，无咁多人出出入入添。之但喺楼上嘅楼底比较矮，所以再晏啲人多就有点嘈杂喇。
餐牌部份菜式图文并茂，而菜式分为8大类：冷盘前菜、猪牛羊、鸡鸭、鱼虾、蔬菜、汤、面饭、点心，大部份都列清楚喺边度菜系。茶位收$10位，而小食收$5位（其实都喺得𠮶一兜仔，不过就挺好食），另收加一服除务费，事不宜迟，快啲点嘢先！
马兰头伴豆干 $66沪菜嘅经典冷盘，记得上次食就嫌佢豆干太少，少到唔觉，今次就好好多；而马兰头依然刴得细碎，
但不失咬口，不过，卖相就仍然咁老土俗套，哈哈。
霸王小笼包 $35舅仔喺小笼包死硬粉丝，所以一有小笼包就必叫。一笼有4件，睇外观似模似样唔失礼，外表呈半透明，夹起都见到包底汤汁荡漾。入口食得出皮薄，满口汤汁，馅肉松软，怪唔得舅仔都赞个小笼包几掂啦。
慈禧蒸素饺 $35同样一笼有4件，素饺包得折纹清晰，薄得有少少透绿，卖相不俗。入口其实个饺皮都几名薄，而且，饺内嘅菜碎亦都切得幼碎，味道清清淡淡，所以，估唔到依个喺川菜㖞！
黄金四季豆 $78虽然川菜嘅干煸四季豆喺本店招牌，亦都几钟意食，但往常都食得多，所以改改一试依个沪菜嘅黄金四季豆，其实旧年晌奥海城分店过一次。四季豆沾满咸蛋黄酱，非常惹味咸香，当然瞻固醇都几高，不过浅尝无妨嘅。
霸王炒饭 $78属杭州菜式，亦喺店中招牌推介，饭内里有肉粒、火腿、金华火腿、菜度，加埋少少虾米同肉松，单睇用料，其实唔算话好特别，但胜在饭粒炒得够干身、够匀巡。
三个人计，其实都叫多咗嘢，不过，难得舅仔搞结婚嘢，食多啲高兴吓，埋单？当然小弟请啦！
张贴
