吞POT 雞煲火鍋.住家菜

营业中

休息中

【寻找鲜鱼Fish系列】平时食鸡煲火窝，惯左食任食，平料但胜在但量多。今次拣间单点逐碟计嘅，身痕想食靓料了！明明系鸡煲店，但我同男友作为鱼嘅爱好者，真系好想食鲜鱼汤，就叫左鲜鱼汤底。黎到系白色㗎！！ 虽然无鱼块喺入面，但一饮落就好浓嘅鱼汤味！正。推介脆鲩鱼片，好爽口，不要煮太耐！另外佢个炸鱼皮都系高质的。鱼片，鱼皮配鱼汤，真系岩哂钟意食鱼嘅朋友。我哋仲叫左广岛蚝，皇帝菜，三色滑（虾滑，鱼滑同墨鱼滑），都唔错。好想提下佢个酱料盘，我无意中拣左佢个唔知系沙茶定XO酱，超好食！有虾香，虽然鱼汤唔驶要咁浓嘅酱，但真系忍唔住一点再点！大家记得试！特别一提，食鸡煲都想食得有情调的话，可以在预约时要求店员尽量安排近窗边位置呢～ 因为食店在高处，晚上时可以鸟瞰旺角。夜景+鸡煲，真系少有嘅combination。