好湯好麵 (名店坊)

同事日講夜講依間舖既湯麵真係好好食，終於有機會試到啦!我地試左蠔皇豬豬同餐廳推薦既海龍皇湯，一試我係冇失望，都係我第一次食完碗麵會飲埋碗湯，飲完都唔口渴，唔油唔鹹冇乜味精，4個人隻碗都見底，好湯!

蠔皇豬豬既龍蝦牛油湯味好香，未飲都聞到好濃牛油味，而海龍皇湯係用蝦頭油熬，有海鮮鮮甜味而不漏，所以大家都好積極飲湯lol 
餐廳麵食以陽春麵.扁陽春麵為主，麵條唔太淋唔太硬都好掛汁，好麵!

蠔皇豬豬

$104

海龍皇湯

$135

至於配料呢，我覺得不過不失，希望好湯好麵之餘有更好既料，帶來更多驚喜啦~
蠔皇豬豬既豚肉有4塊到，肉質軟淋帶油脂，鳳尾蝦普通鮮蝦
海龍皇湯既海鮮配料，刺身帶子係新鮮，藍蟹肉量可以，北海道魷魚海蝦尾冇乜特別

試埋個小食，涼拌麻辣手工豆腐，豆腐夠凍，麻辣醬夠辣而醬汁量唔算多，食唔到辣既朋友可以撥走d醬

涼拌麻辣手工豆腐

$34