呂仔記 (已結業)

素聞呢間舖啲燒賣味道好得，今晚既然經過就買少少食下。坦白講，見到呢塊餐牌，我覺得定價甚高。不過既然都黎到門口了，就少少地要份雙拼（$28）啦。索價$28得4粒燒賣同2個粉果，其實真係唔平。魚肉燒賣比平時食開果啲大粒，亦食得出魚味，冇粉雷雷嘅口感。粉果相對比較失色，外皮頗厚，好在餡料多搭夠，彌補「厚皮」嘅不足。辣椒油屬合格水準，始終食粉果冇左辣椒油係唔得嘅。再叫多杯椰子汁（$14），係兒時飲過果種懷舊椰子汁味道呀！夠香滑！