Espuma (M88)

本身特登去睇夜景，點知啲景都係普普通通，周圍都係樓景，但最離譜嘅竟然係啲服務態度，真係激到爆呀！

服務真係好差好差，尤其係嗰個女侍應。落單嗰陣問我哋『要唔要飲酒或者水果茶呀？』我哋話唔使喇，可唔可以俾啲水我哋？點知頭盤都食完，湯都飲埋，杯水都仲未嚟。再叫佢一次，佢先至黑口黑面拎杯水過嚟。

仲有呢，同佢講嘢嗰陣，佢一副唔瞅唔睬嘅樣，仲要未講完就走咗去，唔知以為我哋欠咗佢幾多錢咁。

食物性價比普通啦，398加一服務費，呢個價錢可以食到更好啦！