Goobne Chicken (The Hart)

660
98
20
等级1
1
0
2016-10-03 6410 浏览
呢个月不停番工番学,连韩剧都唔得闲煲,难得有一日放假,即刻捉咗朋友陪我食想食好耐好耐嘅Goobne Chicken!呢间d鸡出名唔系炸,系用烤嘅,所以一直都好想嚟试下!10点几先嚟到餐厅,所以都唔使等位。一入去就有人带位,d服务员都好好呀,个个都好大声咁用韩文咁欢迎我地入去,好似真系去咗韩国咁~今次叫咗个照烧烤鸡、大长今年糕同一杯MOJITO。本身谂咗好耐食照烧鸡好定蜜糖咖哩烤鸡好,最後都系决定咗呢个,因为铁板好似正d, 哈哈哈>_<落单後大概等咗 15分钟就上菜啦!:D 一出嚟仲有埋滋滋声真系超吸引~ 所以一野就拎咗一旧嚟食,但大家小心呀,真系超热! 呢个真系冇叫错呀,甜甜地好嘢味,个酱调得好到位,唔会太咸。下面d洋葱都好淋好入味,真系食到唔停口。伴碟仲有一细碗嘅萝卜,酸酸地好消济,所以都唔担心食唔哂。呢个就系大长今年糕啦,原来呢个都有少少辣,好彩我地本身都唔系几怕。不过其实都系少少,我见到隔离台个小朋友都食得好开心~ 入面有好多牛肉、年糕、粉丝、芽菜同鸡蛋。真系超级足料!虽然d粉丝耐咗会吸咗d汤同涨大,所以最後都净咗d d 下次应该叫番个辣嘅嚟试下。叫呢杯完全系任
更多
呢个月不停番工番学,连韩剧都唔得闲煲,难得有一日放假,即刻捉咗朋友陪我食想食好耐好耐嘅Goobne Chicken!

呢间d鸡出名唔系炸,系用烤嘅,所以一直都好想嚟试下!
10点几先嚟到餐厅,所以都唔使等位。一入去就有人带位,d服务员都好好呀,个个都好大声咁用韩文咁欢迎我地入去,好似真系去咗韩国咁~

今次叫咗个照烧烤鸡、大长今年糕同一杯MOJITO。本身谂咗好耐食照烧鸡好定蜜糖咖哩烤鸡好,最後都系决定咗呢个,因为铁板好似正d, 哈哈哈>_<
照烧烤鸡
$168
109 浏览
1 赞好
0 留言
落单後大概等咗 15分钟就上菜啦!:D 一出嚟仲有埋滋滋声真系超吸引~ 所以一野就拎咗一旧嚟食,但大家小心呀,真系超热! 呢个真系冇叫错呀,甜甜地好嘢味,个酱调得好到位,唔会太咸。下面d洋葱都好淋好入味,真系食到唔停口。伴碟仲有一细碗嘅萝卜,酸酸地好消济,所以都唔担心食唔哂。
大长今年糕
82 浏览
0 赞好
0 留言
呢个就系大长今年糕啦,原来呢个都有少少辣,好彩我地本身都唔系几怕。不过其实都系少少,我见到隔离台个小朋友都食得好开心~ 入面有好多牛肉、年糕、粉丝、芽菜同鸡蛋。真系超级足料!虽然d粉丝耐咗会吸咗d汤同涨大,所以最後都净咗d d
下次应该叫番个辣嘅嚟试下。
MOJITO
$50
90 浏览
0 赞好
0 留言
叫呢杯完全系任性为咗慰劳自己:P 呢杯要50蚊觉得有d贵,但餐厅个气氛会令到你唔理个价钱~ 不过真系好好饮~唔会甜,但系酸酸地,充满住青柠味,加上有汽水真系好正~ 不过都值嘅,下次会试下其他野饮!

今次完全系好满意呀~一定会再嚟,叫埋一班朋友嚟就可以试多d唔同嘅菜:D真系仲有好多野想试:P大家唔使太担心沟通问题咖,店入面都会有香港女仔,另外d韩国人都会识英文,所以大家都好劲呀><
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2016-09-30
用餐途径
堂食
人均消费
$200 (晚餐)
推介美食
照烧烤鸡
$ 168
MOJITO
$ 50