心之食堂 (裝修中)

「邪惡包」係用紫菜包住燒香左嘅帶子刺身同鵝肝，加上少少生沙律菜，鵝肝嘅油脂感又真係幾邪惡，但加埋鮮甜嘅帶子肉，配上沙律菜中和一下，頓時覺得好匹配。「脆脆吞拿魚魚腩卷」壽司卷上面鋪滿吞拿魚腩蓉，仲有沙律醬同埋滿嘅蝦子。食落好滿足囉！「汁燒白鱔」嘩！出人意料地白鱔肉幾厚肉囉！食落冇骨，啖啖肉。重用咗鰻魚汁嚟燒好好味！ ！「鰻魚茶漬飯」湯底比較濃厚，有震震嘅燒鰻魚香味。加上有大量嘅芝麻配搭，好香口！「心之蛋捲」最後，梗係要食個餐廳招牌美食💕心知蛋捲蛋捲係由滑蛋包住濃濃嘅芝士，仲有蟹籽同三文魚。食落又有三文魚，蟹籽嘅卜卜脆口感，仲有芝士嘅邪惡，我覺得呢個「心之蛋捲」先係真正嘅「邪惡包」