今年慶祝朋友生日，終於搵到一間真真正正嘅私房菜，一晚只係做一枱
由開始打電話預約就已經比我感受到好貼心，成個菜單係度身訂造！
會問你鍾意食啲乜嘢，有乜嘢唔食，又會俾啲意見
入到去成個環境都好舒服，好有屋企嘅感覺
每一道餸都好詳細咁樣介紹，我本身係一個素食者，出到去啲餐廳，最多食到嘅都只係黑松露忌廉蘑菇湯，黑松露雜菌意粉，黑松露雜菌意大利飯。。。
今次食到嘅菜式，可能對於一啲食肉嘅人士黎講，可能都有機會食過，但係對我來講，全部第一次食到，好有新鮮感！
全部有機食材，近乎純素，真係冇諗過素食都可以整到咁好味！食完真係從心底裏『哇。。』左出黎
一定會再嚟食
