打鑊甘火鍋串燒 (已結業)

天氣涼涼爽爽，一定要去打邊爐。今日就同朋友去到北角既火鍋店「打鑊甘」。一聽到個名，就知要刷餐勁🤪打邊爐都盡興d🤣湯底有好多款揀， 我地就試咗味道無咁濃嘅雲腿冬瓜素翅湯 真係第一次見到有片咁大咁厚既冬瓜。飲一下個湯，好香既火腿同冬瓜味道，而且好濃郁既湯底。打邊爐一流！入門版手切肥牛一d都唔入門，肥肉同牛肉好平均，食落口好香牛肉味，而且好耐都無試過咁好食既肥牛啦。羊肉片我最喜愛既羊肉片，香而不過火既羶味加上入口彈牙，正牙！！另外仲有牛骨髓、魚皮餃、萵筍片等呢度除咁打邊爐，仲有串燒小食可以點😌 佐酒都唔錯