宴 尖沙咀

疫情開始緩和，心情都會轉好一點~ 今晚小妹同麻甩佬去尖沙咀搵食，今次去左宴，食日本野🍢🍣🍤🍥🍜🍙。一入門口，見到裝潢日本風十足，一邊係卡位，另一邊係bar 台，仲有一邊係日系塔塔mi ，幸福感大大提升。~ 餃子味道不過不失。值得一提: 餃子包得夠實，唔易散，外形賣相都ok ge *~ 軟殼蟹卷壽司內材料滿滿，好在師傅包得夠實。咬開都唔怕散曬~ 軟殼蟹都炸得唔錯，唔會成口粉/ 放太耐淋曬~ ~ 炒牛飯呢款炒飯係menu 上有推介。真係有驚喜😍😍一粒粒牛係食到有牛味，有咬口 ，d牛都係真材實料，無因為呢碟係炒飯而hea。飯係用珍珠米炒，炒得夠勻稱，味道一致，火候十足。~ 雞塊呢款幾有驚喜，上面既沙律同d雞塊好甲，好開胃。炸度又岩岩好，仲保持到雞肉汁，水份十足。雞件大大塊，HKD90 都係值ge ..