影片
更多
2014-04-28
869 浏览
有年輕人在香港創業是一件值得鼓勵的事情，尤其在貴租的銅鑼灣區做車仔麵生意就更加值得鼓勵。所以，我便來到這一家剛開業的車仔站。 一看門面已經知道不是傳統車仔麵，乾淨企理，座位寬敞。顧客落柯打先要填好張表，然後去收銀俾錢，再等職員叫你，自己去拎，步驟多過大家樂，更遇著個新手收銀姐姐，我本來叫5樣餸，最後發現得3樣，問佢哋想攞返張表睇吓，話冇，只可以print 張單俾我，其實我想知我係老人痴呆多過佢哋有冇收多我錢，佢哋係冇收多嘅，OK。 呢度真係好摩登，最摩登係湯底要收錢，食咁多年車仔麵，真係第一次。湯底有3款，兩款係蕃茄，一款叫特色麻辣，我又唔明點解要主打蕃茄，食車仔麵的多數鍾意腩汁，清湯加辣汁，要食蕃茄湯底我返屋企自己煮。Anyway ，可能我唔識呢啲摩登嘢，我揀咗麻辣湯底，小辣。餸9蚊一款，素菜＄7一款，好笑，大家睇吓張menu，點解金針菇唔係素菜呢？Anyway 我冇點到，我點咗而得到嘅有魚蛋、豬紅同蘿蔔，米粉（＄8)。 見到個湯，同想像中有出入，我以為麻辣會係個湯紅色嗰啲，好似譚仔咁，你懂的。面前係清湯加麻辣醬，有幾隻於是無補的花椒浮吓浮吓，真係好辣，得個辣字。魚蛋，4粒，9蚊得到
顧客落柯打先要填好張表，然後去收銀俾錢，再等職員叫你，自己去拎，步驟多過大家樂，更遇著個新手收銀姐姐，我本來叫5樣餸，最後發現得3樣，問佢哋想攞返張表睇吓，話冇，只可以print 張單俾我，其實我想知我係老人痴呆多過佢哋有冇收多我錢，佢哋係冇收多嘅，OK。 呢度真係好摩登，最摩登係湯底要收錢，食咁多年車仔麵，真係第一次。湯底有3款，兩款係蕃茄，一款叫特色麻辣，我又唔明點解要主打蕃茄，食車仔麵的多數鍾意腩汁，清湯加辣汁，要食蕃茄湯底我返屋企自己煮。Anyway ，可能我唔識呢啲摩登嘢，我揀咗麻辣湯底，小辣。餸9蚊一款，素菜＄7一款，好笑，大家睇吓張menu，點解金針菇唔係素菜呢？Anyway 我冇點到，我點咗而得到嘅有魚蛋、豬紅同蘿蔔，米粉（＄8)。
見到個湯，同想像中有出入，我以為麻辣會係個湯紅色嗰啲，好似譚仔咁，你懂的。面前係清湯加麻辣醬，有幾隻於是無補的花椒浮吓浮吓，真係好辣，得個辣字。魚蛋，4粒，9蚊得到4粒魚蛋，究竟憑甚麼可以賣咁貴？又腍又霉又腥，給人吃的嗎？好彩得4粒、蘿蔔浸得太耐、豬紅只係唔難食，米粉份量亦都好少。
呢一餐連汽水50蚊，物非所值，我想有三十蚊是吃寬敞的環境，我建議他們不叫車仔站，叫蕃茄站可能會有一線生機，想食車仔麵的來到這裡只會失望，神形俱無，算罷啦。
张贴
