星泰真味 (已結業)

可以話係史上最難食嘅餐廳之一，同朋友喺大埔行街，因為唔想食大型連鎖店，所以揀咗呢間得大埔一間嘅星泰餐廳。環境正正常常，同普通茶餐廳無異，但係坐低見到衛生情況欠佳，抹枱抹得唔乾淨，職員侍應亦都冇耐性。事實上，門面見到得三四個侍應，要搵佢哋落單都唔係咁容易。我哋叫咗海南雞大碗飯。大家評下理睇吓張相呢個係咪海南雞？似白切雞多啲，唔講以為係燒味飯。啲雞又多骨，又煙韌，真係同期望有好大落差。食咗幾件雞已經唔想食，飯就正常少少，但個醬汁都係唔點好過點。另一碗係豬扒喇沙米線。米線先得個少少，似剩菜組合而成，難食過豬餿，俾咗50幾蚊食碗粉都唔知食咗啲乜嘢。總括而言，好難食，就算平日對食冇乜要求依然都會好覺得難食。完全破壞咗是日嘅心情，一定唔會再幫襯，永久blacklist。