渣華茶冰廳

叫咗個海南雞飯嘩真係難食到想講粗口，各計好似隔咗幾日夜再返蒸仲要唔熱⋯⋯然之後個醬係求其辣椒加少少薑蓉剁碎再一齊蒸嘅醬。其實好心未準備好就唔好開門買啲咁難食嘅嘢俾客人，仲有個地方超污糟，姐姐清潔個枱嘅方法係掃晒啲垃圾落地下，然後啲碗係啱啱洗完成啖水再擺喺你枱面⋯⋯

仲有叫咗一碟西蘭花炒鮮魷，西蘭花同鮮有個味道完全分開又鹹又唔香，完全唔知道食緊乜嘢，真係好難食超級難食，咁啱坐我後面同埋左手邊嗰兩台都話係睇咗YouTube先過嚟特登食，下次收錢做線稿嘅傳媒，唔該真係試食吓先咁樣只會令到自己冇晒公信力。

總結真係好難食，超級污糟，希望快啲執。

3