宴 尖沙咀

平時都幾常係尖沙咀揾野食，而呢一家日本料理我都確實常嚟，特別係佢哋嘅厚炸沖繩島豆腐同自家製雞肉棒，確實可以滿足到我，加上環境舒適，可以慢慢細味。自家製雞肉棒必點嘅串燒！又香又嫩嘅雞肉配上新鮮嘅生蛋，雞肉冇骨，外皮香脆。好好食! 生蠔刺身超鮮甜嘅creamy生蠔，比一般日本蠔濃厚肥美，鹹甜適中，食完已經好滿足，勁開心😂酒盜芝士咸咸地，但又有海鮮嘅咸香，口感滑脫脫似醃制過嘅生海鮮，好特別，可以一試！建議要配青瓜一齊食，出奇地幾好食！厚炸沖繩島豆腐豆腐控真的會好鐘意呢道小食，外層炸到夠脆又唔掛油，豆腐裡面依然嫩滑，沾少少鹽吃味道更豐富，能感受黃豆嘅香味。炸沖繩苦瓜片苦瓜綿密帶微甜，加上鬆脆嘅炸衣，唔會覺得膩，完全吃唔出苦瓜嘅苦味，唔鐘意吃苦瓜嘅朋友可以試下。