蛇王二 (已結業)

今日第一次晏晝食蛇王二，第一次去蛇王二無食蛇羹，終於，第一次認真噉品嚐蛇羹以外嘅食物。叉燒潤腸飯($52/碗)：潤腸皮脆，咬口剛好，肥膏適量唔油膩，聽長輩講，落咗蛇汁，好好味。叉燒無指明要半肥瘦，但都好林，味道好啱我，唔會浮誇地甜，香之餘又唔會太燶。白飯軟硬適中，啲汁份量剛好，好味。不過碗飯唔多，男仔應該唔夠飯，要叫碟飯。本來以為午餐致送熱飲，原來是旦叫個燒味飯都有。不過，環境方面，來過就明，逼到一個點。