盛八日式燒肉放題店 (已結業)

食評內容今日經過亞士厘道 本身諗住去食一壽司 但係成日食壽司都食到厭厭地所以去左隔離雅士利大廈一間日式燒肉店:盛八上到去估唔到間鋪頭俾到我一種優雅既感覺而且會播D令人放鬆既音樂　我望下個MENU 有好多都係好岩香港人口味既紅肉首先,我點左一杯生啤 然後點左一份砂肝送酒,個砂肝雖然係生既拎出黎但係個賣相真係唔錯 砂肝好易熟 所以好快就食得 我以為會有一陣腥味估唔到係意想不到既新鮮同爽口 而且仲有3種調味料任君選擇 增加食物鮮味　之後就食肉味冇咁重既雞肉 本身已經醃左既雞肉入口有一陣青檸味 酸酸地 感覺開胃之余亦不失本身既雞味絕對可以再點一客!　其實我好驚肉既腥味同膻味 但係我見到隔離台既果份羊架既賣相好似唔錯所以我就點左一客羊架 皆因羊架既肉較厚 所以我就擺埋一邊燒食左用泡菜醃既豬頸肉先,其實點既時侯我都有D猶豫 乜泡菜可以拎黎醃肉?又係一隻好開胃既肉 酸得黎唔會搶左D肉味 好讚!　之後我就試羊架 我燒到8成熟 所以入邊仲有小小紅紅地 但係咁樣先會令到肉質更嫩口而且1D膻味都食唔到 絕對係愛羊之人必點菜式　最後我點左一客用芝士粉醃既豚肉 佢地將D肉切成一粒粒格仔狀將4邊燒到脆身 但係入