影片
更多
2021-05-04
5784 浏览
今日好想食日本嘢，收工後就約左同事過嚟尖沙咀厚福街食晚飯。我哋揀咗鮨一，喺藍馬商業大廈18樓。入到去，除咗有普通座位外，鍾意睇廚師親身製作的話，可以坐喺高枱。由於太肚餓嘅關係，我哋叫咗好多嘢食啊！拿拿林order啲嘢食先：特上十貫目叫得數目字十，就梗係有10樣唔同種類嘅壽司啦。件件壽司新鮮製作，有魷魚，海膽，帶子，左口魚裙邊，甜蝦等等。淨係望個樣呀都非常吸引！食落啖啖肉，好新鮮 ！日本活海膽海膽係新鮮開㗎！食落入口即溶，好濃郁鮮甜，食得出佢嘅鮮味。完全吾苦吾腥。燒鵝肝好邪惡嘅一道菜，因為有十分厚身既鵝肝。鵝肝新鮮熱辣辣燒出嚟，配上烘左既香脆多士，果然係最合拍既配搭，帶比我味道同口感上嘅雙重享受。鵝肝多士必須趁熱吃，否則味道會打折扣的！另外仲有新鮮沙律係側邊，可以解咗浸油膩感。日本蘋果沙律食完燒鵝，梗係要食返個沙律Fresh吓。上面有好多蟹子同埋日本蘋果絲，成個配搭有爽脆感覺，增加口感。味增煮牛舌唔好睇小呢一碟牛舌，份量真係好多啊！除咗牛舌，入邊仲有白蘿蔔，蘿蔔煮得好淋好入味，牛舌一啲都唔騷，口感都煮得好淋。鹽燒黑豚腩雖然叫做黑豚腩，但係腩位食落一啲肥豬肉嘅味道都冇。因為腩肉已經燒得好香
入到去，除咗有普通座位外，鍾意睇廚師親身製作的話，可以坐喺高枱。由於太肚餓嘅關係，我哋叫咗好多嘢食啊！
拿拿林order啲嘢食先：
特上十貫目
叫得數目字十，就梗係有10樣唔同種類嘅壽司啦。件件壽司新鮮製作，有魷魚，海膽，帶子，左口魚裙邊，甜蝦等等。淨係望個樣呀都非常吸引！食落啖啖肉，好新鮮 ！
日本活海膽
海膽係新鮮開㗎！食落入口即溶，好濃郁鮮甜，食得出佢嘅鮮味。完全吾苦吾腥。
燒鵝肝
好邪惡嘅一道菜，因為有十分厚身既鵝肝。鵝肝新鮮熱辣辣燒出嚟，配上烘左既香脆多士，果然係最合拍既配搭，帶比我味道同口感上嘅雙重享受。
鵝肝多士必須趁熱吃，否則味道會打折扣的！另外仲有新鮮沙律係側邊，可以解咗浸油膩感。
日本蘋果沙律
食完燒鵝，梗係要食返個沙律Fresh吓。上面有好多蟹子同埋日本蘋果絲，成個配搭有爽脆感覺，增加口感。
味增煮牛舌
唔好睇小呢一碟牛舌，份量真係好多啊！除咗牛舌，入邊仲有白蘿蔔，蘿蔔煮得好淋好入味，牛舌一啲都唔騷，口感都煮得好淋。
鹽燒黑豚腩
雖然叫做黑豚腩，但係腩位食落一啲肥豬肉嘅味道都冇。因為腩肉已經燒得好香脆，越咬越香，用鹽燒味道一流！
日本番薯拼南瓜天婦羅
呢個天婦羅，真係炸得好好。喺出面嘅餐廳，炸得唔好，會有浸油益味，呢度完全冇，口感仲非常香脆，外脆內軟，保留埋入面番薯同南瓜嘅味道。
呢餐真係好好味呀，物有所值！朋友冇介紹錯，下次我要再嚟試其他唔同食物！
张贴
