影片
更多
2013-12-29
7790 浏览
上月睇苹果日报,见到有读者优惠,以$225.00+原价钱538.00o既加一服务费(即$278.80)食到原价$538.00o既私房料理海鲜自助晚餐(四道私房海鲜料理),如果要$538.00我一定唔o黎,但$278.80都可以.所以我book o左14-12-2013(Sat)晚同男友一齐食,o黎到后,我o地被安排坐o系一张四人枱,枱上已放有两杯红酒同一个细锅,职员同我o地讲有刺身,shabu shabu牛肉,火锅料任食,要加添牛肉就要叫佢o地,其他o既可以自己攞.由于要7:15pm至开始,我就睇吓o野影吓相同攞o野饮,冻饮有好多款,有无糖柠水,苹果汁,山楂乌梅汁,橙汁同热情果汁.我先试吓热情果汁,味道好浓同甜,几好饮.男友就就试山楂乌梅汁,佢话啲味较得好差,只系酸梅汤味.好,够钟喇.男友出去拎o野食,与此同时,职员放低一大盘,shabu shabu牛肉同海鲜刺身,男友就攞o左加拿大松叶蟹脚同三个沙律,职员见到就提醒我o地唔好攞咁多,因为重有好o野俾我o地食,而且惊唔够位摆.其实我唔多为意有咩o野食. 我o地开始清o野喇,先食砌到靓一靓o既海鲜刺身,同样有加拿大松叶蟹脚,两只牡丹虾,
好,够钟喇.男友出去拎o野食,与此同时,职员放低一大盘,shabu shabu牛肉同海鲜刺身,
男友就攞o左加拿大松叶蟹脚同三个沙律,
职员见到就提醒我o地唔好攞咁多,因为重有好o野俾我o地食,而且惊唔够位摆.其实我唔多为意有咩o野食. 我o地开始清o野喇,先食砌到靓一靓o既海鲜刺身,同样有加拿大松叶蟹脚,两只牡丹虾,好多三文鱼,两只龙虾仔,三个青口,多片带子,四只虾,已起肉翡翠螺,北寄贝同唔知咩蚌(o系左边龙虾仔下面)各两件,共十样.
所有刺身都够鲜味,而牡丹虾大大只,好好食,亦都有虾膏.而龙虾仔o既膏都特别多.
而由于冇wasabi同豉油,所以男友去排刺身,要o左蟹柳,同样o既牡丹虾同海胆,男友话海胆同牡丹虾都限每人每次拎一件=.=”.海胆颜色好靓,
食落,真系好新鲜好好味.然后系私房菜o既波士顿龙虾,呢个面上舖有金蒜,咸咸地,几好食.
炭烧大虾,啲汁甜甜地o既,OK.
Shabu shabu牛肉,由于薄切,所以好快熟,牛肉嫩,而锅内放有猪骨同白萝卜.
私房菜o既黑鱼子带子,大大只带子整到仅仅熟,仍带有生o既口感.然后又到私房菜o既海胆烩意粉,
呢个以石板上,放低后听到孜孜声响,亦感觉到好热,份量又超多,我趁热食喇,海胆味都食到,但最后都系食到意大利番茄味.o系男友要食蟹脚时至发现冇工具时,我就行去最入面o既熟食区(原来有)攞,之后又因冇o野蘸,就行过去睇,见职员摆o紧一杯一杯黑野色o既o野,就问佢系咩o野o黎?佢答凉粉,我就拎两杯;然后都问佢有冇蘸蟹脚o既醋?佢答冇,只有橙红色o既酱,咁我就舀啲啦.然后又攞两个烟鸭胸.
男友钟意食凉粉,佢就第一时间食,亦赞好食.我都食,好似冇乜味,佢话啲水好甜,我舀o黎食,都唔系,我食两啖就唔食,俾埋佢食喇.
而烟鸭胸呢,唔系太咸,配埋啲菜食几OK o既.
即煎牛舌同牛仔骨,
估唔到牛舌咁差,内里唔够热,调味亦唔够,好淡.细细件o既牛仔骨亦唔香口,麻麻.
到尾声喇,我至记得有雪糕,就出去攞,呢个系曲奇味,唔太甜,OK冇问题.
之后见到职员捧住一杯杯白色o既甜品,男友道出去拎,呢个系椰汁奶,我食唔到椰汁味,奶味都唔系好食得出,一般啦.
最后o黎多round雪糕,今次换上粉橙色o既,系哈密瓜味.同样唔系好甜,呢个一般.
而中途我都有斟啲苹果汁饮,中规中矩,冇乜问题.亦都试吓山楂乌梅汁,冇乜味o既?搅乜?都系饮返最受欢迎o既热情果汁吧.呢餐我o地食得几赶,原因系佢o地9:00pm都开始收o野.
服务:
11-12-2013 (Wed),佢o地有职员打俾我,叫我存每位$100.00订金到佢o地o既银行户口,然后将收据send俾佢o地睇同食完埋单时都要交出扣数.收订金我就听过,要收埋要收据就第一次听,不过算啦,带埋去,费事口同鼻拗.
环境:
装修得几好,几有格调,而我o地坐o既位虽然系门口位,但几宁静同阔落.
价钱:
o衣o家睇见呢个9月,唔系团购o既食评http://www.openrice.com/restaurant/commentdetail.htm?commentid=2323204&tc=sr2&con=rvw,原来呢个所谓读者优惠价都系原价,半点优惠都冇,果然系抬高价后要人俾返原价.
张贴
