Amaroni's New York Italian Restaurant & Café (又一城)

今日諗住去又一城坐低食一個輕鬆啲嘅午餐，去到Amaroni‘s，見到個餐牌都好似OK，就入去坐低。
叫咗煎盲曹魚，第一碟嚟到嘅時候，我以為我同個廚師有仇，成碟食物亂糟糟好似發脾氣咁。個侍應生都知道賴嘢，我望一望佢，佢已經知道要拎返去廚房換。第二碟嚟到嘅時候，雖然個樣好啲，但係都係好似隔夜，然後攞入微波爐叮翻熱咁。個 Tiramisu 都唔好食，完全同以前差十萬八千里。
其實做餐廳做到咁，又冇誠意，啲嘢又唔好食，而家香港租金咁貴，建議執咗佢。