火水爐花膠館 (已結業)

不得不推介嘅邊爐 識我嘅人都知我極愛邊爐 可以一星期打5次🤦🏻‍♀️ 依家一個月打1次好啦🥺🥺 平時都食開連鎖嘅火鍋店 今次去食屯門呢間出名食麻辣花膠鍋 花膠套餐有三款 我地揀咗中價位嘅花膠雞安格斯海鮮套餐 三款依家都有折💰 但就無咗分時段嘅價錢 一入到去見到裝修好有特色💡 平日去八點半食都唔算好多食客 店員服務態度好好 等待火鍋滾嘅時候附上小食 炸燒賣同魚蛋 不錯喔 花膠有兩大塊 鴨血 午餐肉 炸魚皮 廚師腸都幾好 但魚皮餃 蟹柳就一般啦 我地主要食安格斯牛肉 佢哋要逐碟逐碟計 大概一碟有八塊 好快食晒🥢 次次食完都要嗌 有少少麻煩 不過可能唔想食客浪費食物 我覺得呢一間係暫時咁多間火鍋店食過最好食嘅麻辣火鍋 一般都剩係得辣味 無麻味 但叫得麻辣就應該兩者兼備🤪