珍寶樓 (已結業)

近期愛上食盅頭飯，一有食店有我就會去試。朋友介紹呢度唔錯，所以黎試下。珍寶樓唔係位於大街，新b仔再向前行右面就係，出面有個大蒸籠，$18盅頭飯有幾款，首推梅菜肉餅飯。肉餅肥瘦肉各一半，加埋梅菜，向來都係最佳拍檔，飯粒分明，偏少少硬身不過係小妹鍾愛既口感，連男朋友都讚好好味。點心類味道麻麻，不推介。服務，有時叫完阿姐佢就走左去，以為佢聽唔到，原來係聽完唔應你之後去整=_= 加上呢度開1830-0630，食飯期間仲有好多人黎買盅頭飯外賣，所以一定有吸引之處。