是日餐湯(南瓜忌廉湯)
買相OK,味道一般沒有太大驚喜。
小食拼盤
拼盤有辣蝦柚子沙律、墨魚球、芝士馬介休薯球和芝士脆豬包各二件。兩種丸子炸得金黄，買相吸引。墨魚球爽口彈牙，咬落好多墨魚肉。而薯球用了馬介休和芝士，有鹹香魚味和芝士味。爽脆鲜蝦配上些微辣椒粉能提升食慾。沙律菜亦新鲜。
乳豬件
乳豬以各種香料醃製，味道唔錯。以燒烤烹調不但能鎖住肉汁，咬落嫩滑唔鞋口；最重要是皮脆香口，配埋D醬汁十分惹味。
蝦子松露意粉
醬汁以蝦子松露調製所以味覺非常濃郁，意粉亦好有口感；混埋一齊來吃是唔錯組合，不過一定要熱食否則便會感覺會好漏。
葡撻
撻皮鬆化蛋味香，上面焦糖不會太甜是我喜愛。
熱情果疏打
甜甜酸酸的熱情果和冰凍疏打水混合一起清凉解渴，亦能舒解一下濃郁嘅味道，不致太滯口。
