影片
更多
2017-06-10
347 浏览
踏入五月，天氣開始熱，夏天靜靜的一步一步來臨，朋友的大伙兒聚會，也開始選擇商場的餐廳，因為真的「踏出門口一步也嫌多」。今日慶祝朋友生日，食飯既野，當然要做，而揀餐廳既重任亦都好順理成章地落在壽星公之上。唔知點解，壽星公竟然係云云既餐廳之中揀佐一間最火辣辣既餐廳。。。餐廳，係位於商場既，但係就係一個餐廳商場，位於尖沙咀厚福街既H8，大家都唔會陌生，而食物選擇竟然係「打邊爐」，大家聽到呆了一呆，唔好玩啦，咁夜，仲打邊爐，但係冇辦法，生日那個係大哂既，大家雖然唔係好想，但係都要尊重主人家，而反正呢個餐廳我又未食過，試下都無壞既。步入餐廳，那裝潢和環境令人耳目一新。首先，冷氣夠凍，呢個對火鍋來說，係非常重要既，就算出面幾熱流幾多汗都好，假如室內夠凍，俾到我地冬天既感覺，打邊爐一樣會好正。第二，餐廳既裝潢好高級，古典得黎有一點皇宮的感覺，古式古香，已經不足以形容。因為係平日既緣故，所以客人不算多，我們坐了一會也只有5成滿，所以我地食得幾舒服，即便講野大聲少少，都唔會有大問題。餐具也帶俾我一種帝皇式的感覺。呢個火鍋勺可算係餐廳既特式之一，一方面可以勺湯飲，另一方面又可以在尋找食物既時候「西」走d湯
今日慶祝朋友生日，食飯既野，當然要做，而揀餐廳既重任亦都好順理成章地落在壽星公之上。
唔知點解，壽星公竟然係云云既餐廳之中揀佐一間最火辣辣既餐廳。。。
餐廳，係位於商場既，但係就係一個餐廳商場，位於尖沙咀厚福街既H8，大家都唔會陌生，而食物選擇竟然係「打邊爐」，
大家聽到呆了一呆，唔好玩啦，咁夜，仲打邊爐，但係冇辦法，生日那個係大哂既，大家雖然唔係好想，但係都要尊重主人家，
而反正呢個餐廳我又未食過，試下都無壞既。
步入餐廳，那裝潢和環境令人耳目一新。
首先，冷氣夠凍，呢個對火鍋來說，係非常重要既，就算出面幾熱流幾多汗都好，假如室內夠凍，俾到我地冬天既感覺，打邊爐一樣會好正。
第二，餐廳既裝潢好高級，古典得黎有一點皇宮的感覺，古式古香，已經不足以形容。
因為係平日既緣故，所以客人不算多，我們坐了一會也只有5成滿，所以我地食得幾舒服，即便講野大聲少少，都唔會有大問題。
餐具也帶俾我一種帝皇式的感覺。
呢個火鍋勺可算係餐廳既特式之一，一方面可以勺湯飲，另一方面又可以在尋找食物既時候「西」走d湯，絕對可以拿設計大獎。
醬料既選擇也不少，有沙爹醬，四川麻辣醬，炸蒜，辣椒粒，蔥花，生蒜等等。 (醬料每位$22)
打開餐牌，打邊爐首先要揀的當然是湯底，餐廳推介的湯底是火焰龍蝦海鮮鍋，和鮮椰青雞鍋，聽說是有「噴火」效果，令人賞心悅目的，但我和朋友們也是花膠的die hard fans，所以最後也沒有蝦這個特效而改變心意，還是情傾冬瓜花膠雞翅鍋。
飲品的選擇也夠多，而且價錢合理。
冬瓜花膠雞翅窩 ＄368
今日既主角登場！看見這個鍋，只能用「不得了」三字來形容，餐廳用了一個很古典的銅鐵鍋來盛載，未飲未食過湯已經睇得出佢好足料，而且銅鐵銅夠重夠厚夠實淨，有效保存湯煲的精華，原理就和「港女恩物」的著名法國名牌既原理一樣。
佢既材料亦都多得好誇張，大大個冬瓜，鮮雞，花膠，魚翅，蟹籽，單看這個配搭已經覺得值回票價。
花膠唔係用普通既貨式，而係有一定既厚度，所以令到成個湯都會有一陣骨膠原既膠感，真係飲一啖都已經覺得自己皮膚滑佐。
因為成個湯係由RAW到熟既，所以雞件食落特別嫩滑，而「煲湯」既過程，一直都會有店員過黎幫我地處理，半熟既時候會幫我地將冬瓜切成小件。
呢個湯真係令人飲得好舒服，因為用料夠足，所以特吃鮮甜，而佢既濃度我地覺得唔似一個火鍋既湯，而更像一鍋老火湯，所以煲好既時候我地都忍唔唔住狂勺狂飲，令到店員都忍唔住要叫我地留番少少做個尾，用黎打邊爐，否則便沒有了火鍋的意義啦，哈哈。
白鱔片 $128
白鱔片切得都幾厚身，食落啖啖肉，而且夠爽咁甜。
雙拼丸 - 芝心墨魚丸和手打海參豬肉丸 $108
丸類有多款，但係我每次我同朋友一大班人去打邊爐最食唔哂既都一定係丸類，難得呢度有得揀雙拼，仲要只係加$10，我地又咁岩4個人，當然要揀多款，試多D野啦。
芝士丸平時食得多，今次呢款芝心餡加上墨魚丸皮口感幾特別，芝士比平時食到既更香濃，而墨魚丸又爽彈，好好味。
而海參豬肉丸既設計就其實有少少貴，軟綿綿既內餡加上彈牙既豬肉丸，感覺有點格格不入，海參，我都比較prefer就咁食。
西班牙黑毛豬豚肉 $148
平時係屋企打邊爐都只會到超士買普通罐裝既午餐肉，最多，都係買有芝心既版本，而今次餐廳提供既係西班牙黑毛豚肉，單聽名字已知道極華麗，而佢上枱既攏碟亦都好華麗。
食落豚肉味真係同平時食既有分別，肉質比較實，豬肉味比較重，但份量就比較少，令人有點不夠喉。
由於本身個湯底既料都已經好多，所以每次我地只可以加少少既其他配料落去，一路煮，一路食。
飛驒和牛肉眼A5 （小） ＄298
因為在座4個人有2個人都係唔食牛既關係，我地點佐一個小size既和牛，其實如果多人食的話，點一個牛拼盤會更抵。
而呢個牛真係不得了，牛既脂肪比例十分平均，而且厚度剛剛好，不太薄，烚7－10秒大約5成熟就剛剛好，食落既牛味好重，有一個軟綿綿，入口即溶既感覺，令人一食再吃，停唔到口。
自家製即炸響鈴 ＄68
響鈴係餐廳自家即炸既，所以做得特別厚身，平時食響鈴放湯3秒已經開始會淋，但係因為呢度既比較厚身，可以放多2秒，花膠湯被響鈴吸入濃湯，味道更香更甜，口感一流。
後加既湯並唔係清水，而係豬骨湯，湯底保持一定既濃度。
自家製炸魚皮 ＄68
魚皮亦都係餐廳自家製既，原條白鱔買入，師傅再用刀功將佢地切片再炸，所以特別新鮮好味，不用放湯就咁食已經很夠味，浸湯食亦有另一種口感。
冬瓜粒煮佐一陣都未淋，當更多既火鍋配料來到既時候，店員會為我們先行撤去冬瓜，以免阻礙打邊爐的「空間」。
蔬菜拼盤 （大） ＄88
打邊爐食牛肉飲靚湯，係重要既，但當然也不能忘記食物的均衡，所以我們也點了一個大的蔬菜拼盤，一次過食哂多款菜。
呢度d菜色澤好靚，我地都懷疑餐廳係用溫室有機蔬菜，但係最後都冇證實。
隔油勺對鐘情健康生活又喜愛打邊爐既人仕來說很重要，而這裡也有提供，令「隔油」的差事變得形容和有趣。
新鮮椰青 ＄48
飲品方面，我們每人點了一個椰青，椰青水很清甜，而且夠凍，可以為熱辣辣既火鍋cool down一下。
燕窩椰汁糕
這個甜品係餐廳既贈品，味道唔算好濃，但係我就鐘意佢地既天然微甜。
炸榴槤 ＄15
食完正餐既火鍋，其實我地都已經好飽，但係見到甜品既選項有炸榴槤，喜愛榴槤既我地忍唔到口，點都要試。
榴槤來到既時候，同我地既想像有d出入，因為我地幻想既係好似「高力豆沙」一樣既外表，但來到既外貌卻像小丸子。
但係食入口又比到我地surprise！ 咬開一少半已經聞到很濃既榴槤味浸出，如果個餡皮都炸得好薄，好我地呢餐劃上完美既句號。
呢度不上環境比到我地皇宮既感受，而食物也都非常高質，特別係花膠雞鍋可說是不能不點！ 看來我們好快就會再次為佐「呢煲湯」而再次到訪了。
张贴
