皇后冰室 (已結業)

今次又再次出現係旺角,因上次食飽飽四處行,有間餐廳頗出位,因燈管製成鋪名,企係遠處都可以睇到佢間餐廳! 錯. 佢吾係叫餐廳係叫冰室.皇后冰室!但佢已經將冰室轉形!!因再吾係過往開大冷氣,侍應亦吾再係白衫黑褲.完成係另一新世代.入到去裝修以歐陸風格為主,但最吸引我既係台上既磚塊,有各式各樣的,黎個設計係餐廳上既新鮮!今次同友人各嗌左兩個套餐,先黎個羅宋湯.佢既湯吾係太稀,蕃茄還可,不太酸或甜,另外再配個法式牛油麵包,麵包反而值得一讚,因外脆內軟.吾會硬磞磞.我既意大利芝士焗鮮茄豬扒到呢,賣相相當吸引..佢既豬扒好香好嫩口,吾會好似平時食落甘”鞋“ 而佢既蕃茄同羅宋湯一樣味道恰好~吾太酸吾太甜..又多汁!佢既意粉份量亦都頗大份,一個人食好似太浪費添~而我友人所點既瑪蘇芝士蘑茹忌廉汁焗海鮮,佢黎個豐富得很的!外層鋪上厚厚既芝士,味到遠處都聞到!海鮮料都非常十足~有青口,魷魚,魚肉,蝦仁..真係無偷工減料~怪不得每次經過都要排好一輪隊,都值得!黎間餐廳真係推翻冰室既舊世紀概念!