影片
更多
2024-10-06
1460 浏览
鐘意望海，有歐陸嘅裝潢，可以舒舒服服咁享受一餐，我覺得淺水灣影灣園呢間露台餐廳幾唔錯❤️露台餐廳係一棟復古又歐陸嘅建築，座位空間好闊落，坐得幾舒服，高樓底嘅設計有冇壓迫感，當日去嘅時候見到唔少家庭係慶祝緊生日或者周年紀念露台餐廳有唔少西式嘅菜式，大部份嘅款式都好啱口味，飲品方面可以揀咖啡或茶，前菜可以揀沙律或者他他，跟住可以揀個主食，最後有個甜品，整體用餐感覺唔錯，流程上會跟住客人用餐嘅時間去上菜，可以舒舒服服咁食嘢之餘，又望到淺水灣嘅靚景今次去我就揀咗兩個唔同嘅主食，所以價錢上會有啲唔同，分別係$598同$688🔸Smoked or Row & Main Course $598Tuna Tartart 吞拿魚他他Tiger Prawn Spaghetti 虎蝦意粉Berry Parfait 莓果芭菲吞拿魚他他連幾片法包🥖吞拿魚他他好香魚味同麻油味，法包脆身唔硬，味道唔錯；虎蝦意粉嘅虎蝦好爽好新鮮，意粉入邊仲有好多細細嘅蝦肉，好有驚喜，意粉好掛汁好Creamy，個人覺得個意粉好好食🤤莓果芭菲又係好驚喜，面頭嘅cream好滑，中間有雪糕，另外仲有士多啤梨，食落去口感非常豐富，味道又唔錯🔸P
露台餐廳係一棟復古又歐陸嘅建築，座位空間好闊落，坐得幾舒服，高樓底嘅設計有冇壓迫感，當日去嘅時候見到唔少家庭係慶祝緊生日或者周年紀念
露台餐廳有唔少西式嘅菜式，大部份嘅款式都好啱口味，飲品方面可以揀咖啡或茶，前菜可以揀沙律或者他他，跟住可以揀個主食，最後有個甜品，整體用餐感覺唔錯，流程上會跟住客人用餐嘅時間去上菜，可以舒舒服服咁食嘢之餘，又望到淺水灣嘅靚景
今次去我就揀咗兩個唔同嘅主食，所以價錢上會有啲唔同，分別係$598同$688
🔸Smoked or Row & Main Course $598
Tuna Tartart 吞拿魚他他
Tiger Prawn Spaghetti 虎蝦意粉
Berry Parfait 莓果芭菲
吞拿魚他他連幾片法包🥖吞拿魚他他好香魚味同麻油味，法包脆身唔硬，味道唔錯；虎蝦意粉嘅虎蝦好爽好新鮮，意粉入邊仲有好多細細嘅蝦肉，好有驚喜，意粉好掛汁好Creamy，個人覺得個意粉好好食🤤莓果芭菲又係好驚喜，面頭嘅cream好滑，中間有雪糕，另外仲有士多啤梨，食落去口感非常豐富，味道又唔錯
🔸Prix Fixe Menu $688
Appetisers : Seasonal Green salad 時令沙律
Main Course : U.S. Beef Tenderloin Steak 美國牛柳配薯條
Berry Parfait 莓果芭菲
時令沙律🥗入邊除咗有唔少新鮮蔬菜之外，亦都加咗合桃，好健康好開胃嘅前菜；美國牛柳🐮好香牛味，叫五成熟啱啱好，鎖到個肉汁，肉質都仲係好嫩滑，薯條就用咗嘅薯條；同樣地，甜品都係莓果芭菲
‼️值得一提嘅係，露台餐廳連住中庭，入邊有好多打卡位，如果鍾意打卡嘅朋友食完記得去打埋卡
张贴
