炯記手撕雞 (汝州街) (已結業)

今日同媽咪去咗深水埗掃平貨，啲賀年揮春真係好抵原來深水埗都有炯記，令我突然好想食燒鵝！個例湯有好大舊粟米好甜好大粒！湯好香薑味，飲完好暖身，岩哂突如其來的天氣驟降！燒鵝拼燒腩仔飯燒鵝真係好正鵝皮夠脆，而且又無皮下脂肪，岩哂唔鍾意食肥膏嘅我鵝味好香好突出嚟到真係要食燒鵝！燒腩仔每層都好分明，燒肉皮好香脆鹽焗手撕雞飯呢度嘅手撕雞一啲都唔鞋撕得都幾厚肉，食嘅時候好有質感！調味岩岩好，仲有麻油香醬皇豬手炆得非常入味，每次嚟炯記都會必食的豬手皮無毛，好乾淨好夠淋，最愛豬手嘅膠質！