木蘭館 (已結業)

木蘭館主要做外賣，如果堂食嘅話，首先落好單畀埋錢，然後入隔離舖坐低，店員整好就會拎過嚟。見評論話鰻魚飯幾受歡迎，不過自從哽過鰻魚骨要入急症室之後😰，我都甚少食鰻魚，於是叫咗個芝士脆雞柳拼日本芝士漢堡扒飯，名副其實嘅 double cheese😆。食物上枱，一打開，分咗兩層，上層餸下層飯，兩件炸物其實都係現成嘢，所以味道唔會走樣得去邊，不過亦都唔算得上有驚喜，其中漢堡較出色，流心芝士味道濃郁；雞柳芝士味相對較弱，不過啖啖雞肉口感仍相當豐富。反而我對個飯印象更為深刻，除咗醬汁外，仲鋪滿海苔粉，相當滋味，好食👍。