癡膠雞 (荔枝角道)

营业中

休息中

呢排ig成日見到呢間癡膠雞，見到佢哋個花膠雞湯米線，就好好奇想試吓佢哋嘅招牌菜式！🍜🍢 金磚豆腐呢個金磚豆腐真係大大隻、金黃香脆！外層炸得酥脆，內裡超級嫩滑！🍯外脆內滑嘅口感形成強烈對比，食落去好滿足，配埋少少醬汁更加惹味！👍🍲 招牌癡花膠雞濃湯米線呢個招牌癡花膠雞濃湯米線真係唔可以錯過！湯底濃郁得嚟唔會太膩，花膠嘅膠質同雞湯嘅香味完美結合，飲落去有種好滋補嘅感覺。🐔花膠爽滑，雞肉嫩滑，配埋米線一齊食，啖啖湯配啖啖線，好滿足！米線吸晒湯底嘅精華，味道更加豐富。🍜🍶 藥膳黃酒花膠雞湯米線另一款藥膳黃酒花膠雞湯米線就更加滋補，湯底帶有淡淡嘅藥膳味，黃酒嘅香氣滲透入湯裡面，飲落去有陣暖暖嘅感覺，特別啱天氣凍嘅時候飲。🍂食完之後覺得暖胃又滋潤。🍵最重要嘅係佢哋每個湯底都會加個爐比你！鷄湯去到最後越來越濃，超級好飲！大推！