沙嗲王 (眾安街) (已結業)

唔知幾時先有得出街食晚餐。是晚ot到7半，實在唔想煮，路經見外賣有9折決定外賣回家就算。白咖哩香茅豬扒飯$59每次必叫，基本係為左個白咖哩汁先會去沙嗲王。豬扒厚身， 有4件，不過重點都係個白咖哩汁， 撈飯好好味，唯一缺點係啲飯唔夠多。滑lulu蛋蒲燒鰻魚飯$76個蛋好滑，張相都睇到啲蛋係半熟。 鰻魚汁好適合撈飯。 個飯有四件唔算細嘅鰻魚， 呢個價錢叫ok啦。飯都係有d唔夠。汽水跟餐汽水，比較特別係佢封咗口，外賣唔驚佢倒瀉，依點要讚下。