禾川壽司專門店 (已結業)

而家又要開始夜晚唔俾堂食既日子。認真苦過DEEDEE。想令自己開心，唯有揀啲好既美食，食好啲、開心啲。呢間禾川，係屯門既小店首選！呢日，我就買咗一人份 （係大份咗啲）返屋企慢慢嘆！禾川燒盛盒 （16件）HK＄138貪佢一盒多元化。芝士控唔可以錯過！唔使諗，食勻美食！個芝士蟹柳，少有地大條厚肉。加埋芝士燒過，更有特色。醬燒左口魚邊，經過油香之後，更為美味。鰻魚，絕對係禾川必食一項！再點咗客三文魚刺身。極為肥美，而且厚切。大大份一盒，滿足晒三文魚控既要求。