泰海鮮 (已結業)

今個星期五，約埋三五好友去咗著名海鮮聖地 「三聖邨」試試海鮮🐟🦐🦞🤤本身預咗星期五會多人，特登預早啲去泊車，結果都等咗15分鐘，不過無損食海鮮嘅好心情😙🍴行咗一陣海邊，經過「千挑萬選」😂最後揀咗食「泰海鮮」，入到去未坐低，啲「叔叔」就好熱情介紹今日有咩海鮮新鮮，經過一輪苦惱🤯最後叫咗六樣海鮮！第一碟 蒜茸粉絲蒸元貝，蒜味濃郁，元貝新鮮彈牙，中意食蒜嘅不容錯過😻之後到砵酒焗生蠔，賣相雖然一般，但食落有驚喜！生蠔外層脆口內里惹味，大推👍🏻👍🏻第三樣 脆皮芝士焗龍蝦，龍蝦超大份、芝士脆口，但有少少膩，芝士擁躉可試😼食到口有啲乾，就到冬陰功湯煮花甲😋冬陰公味濃、花甲份量滿滿，酸酸甜甜超級醒胃，又一驚喜🤩大推👍🏻👍🏻👍🏻豉椒蟶子皇米粉底，蟶子超大隻，米粉脆卜卜，味道達到期望，推👍🏻最後，避風塘炒肉蟹，肉蟹鮮甜爽口，辣椒惹味，但稍嫌太重味，不過配汽水一流👍🏻呢間「泰海鮮」樣樣都新鮮，無冷場，無失望！儲一儲qoata同💰一定會再嚟幫襯😋😋