豚王 (已結業)

一支公，尖沙咀唔知食乜，去咗棉登径豚王。好耐冇嚟，原来装咗修，以前感觉warm啲，现在以黑为主，就好有型。以前去豚王，多数食「豚王」，因为唔使谂，又好味。今次见佢出咗个海老王，求其点咗，点知出事。个面好细，唔紧要，我唔mind，98蚊一碗拉面，唔饱就预咗㗎啦，边个话过食拉面一定要饱㗎。但可能我心急，海老王原来冇虾㗎，顶，我本来想食只虾咋。自己又衰，睇字唔睇图，真系冇虾㗎。我要虾呀。所谓「海老王」原来只系加啲虾味味精，成堆粉咁上，摆明系咪精，但又几好味。喂大佬，上市咁有钱，畀只虾都得挂，海老王要只虾啫，点解唔畀我㖞。除咗冇虾，其实整体又ok，又干净上菜又快，希望下来再嚟食，海老王会有虾啦。