同人鍋 (已結業)

原本見到佢有雞煲又打邊爐咁，每位三舊水好抵咁，入嚟醫肚，點知嘢就唔係好食到落肚，就成肚火！話說波波叫咗最貴嘅龍蝦湯底，畀其他食評呃咗以為好正好大堆頭好抵食，點知入到嚟想食嘢，乞食咁！話說佢話就話海鮮任食，但點知佢竟然係兩隻兩隻咁上，喂大佬，兩個人畀兩隻放題呀！我叫多五六次都係得咁多，每次叫佢畀多啲都係嚟兩隻！最後忍唔住同侍應講，佢竟然話：「你哋兩個人最多可以叫兩隻！」大佬我唔係想任食海鮮食你哋做咩？我去食其他任食邊爐唔好？