津津好好味

讀緊書就已經食緊，由以前買外賣係出面花槽食，食到依家轉咗大鋪有位坐🤪
主打係麻辣雲呑同麻辣冷麵，雲呑同涼麵都有分大同細碗，分別都有得揀辣度。
因為一個人食，所以我多數都叫一碗細雲呑加一碗細涼麵。

中碼辣雲吞細碗

雖然雲吞就唔係好大粒，但係細碗都有成12粒，一個人食都夠哂。雲呑得一款，係用豬肉做餡。中辣辣度就唔係好夠，下次應該要試大辣。

中麻辣涼麵細碗

涼麵入面係無餸嘅，不過就有少少配料，有啲芫荽係面，芽菜係底，再有啲香料，食之前撈一撈，正！👍🏻

叫咗兩樣野加罐汽水都唔洗四十蚊！🤣🤣🤣抵食