更多
2021-04-28
198 浏览
妈咪成日话好食又一餐唔好成日一餐，食咩都冇所谓，但系我就唔系咁睇，人生得几廿年，每一餐都系咁重要，食完食一餐就少一餐，所以每一餐我都想拣好食嘅嘢黎食，而今日我就嚟咗西环呢度食呢个每位价值$688嘅精选铁板烧晚餐😁。餐厅内部唔算好大，但系装修精致，环境舒适，有一位女店员同男店员，男店员负责收钱，女店员主力服务顾客，态度极之良好。.沙律：两款口味嘅沙律，一款系日式和风汁，另一款意式凤梨汁，B仔就拣咗凤梨汁，因为入餐厅嘅时候刚好见到佢用新鲜菠萝🍍整汁嘅一幕，用得新鲜菠萝整，感觉一定唔会差，而食落亦确实咗我嘅谂法，汁底味道天然清甜。前菜三点：三点为矶煮鲍鱼、红酒荞头及水云，鲍鱼爽口弹牙，荞头爽脆，水云则类似蒟蒻面，食落带香甜酱油味。刺身三点：日本北海道带子、深海池鱼王及中拖罗，三者平分秋色，全部都几高质，池鱼鱼脂味尤其浓郁，食每种海鲜之前记得先用伴碟嘅海草🌿同紫苏叶清清口腔车海老配桔子酱：师傅一路烧，牛油味同黑胡椒香气就一路相互连环冲击住我嘅鼻腔，令人垂涎欲滴。表面鲜橙，内里白嫩嘅海老非常肥厚，弹牙有咬口，而虾头方面，建议啜完虾膏之后，可将虾头分件放入口中细细咀嚼，会食到蜂拥而出嘅浓浓虾味。搭
餐厅内部唔算好大，但系装修精致，环境舒适，有一位女店员同男店员，男店员负责收钱，女店员主力服务顾客，态度极之良好。
.
沙律：
两款口味嘅沙律，一款系日式和风汁，另一款意式凤梨汁，B仔就拣咗凤梨汁，因为入餐厅嘅时候刚好见到佢用新鲜菠萝🍍整汁嘅一幕，用得新鲜菠萝整，感觉一定唔会差，而食落亦确实咗我嘅谂法，汁底味道天然清甜。
前菜三点：
三点为矶煮鲍鱼、红酒荞头及水云，鲍鱼爽口弹牙，荞头爽脆，水云则类似蒟蒻面，食落带香甜酱油味。
刺身三点：
日本北海道带子、深海池鱼王及中拖罗，三者平分秋色，全部都几高质，池鱼鱼脂味尤其浓郁，食每种海鲜之前记得先用伴碟嘅海草🌿同紫苏叶清清口腔
车海老配桔子酱：
师傅一路烧，牛油味同黑胡椒香气就一路相互连环冲击住我嘅鼻腔，令人垂涎欲滴。表面鲜橙，内里白嫩嘅海老非常肥厚，弹牙有咬口，而虾头方面，建议啜完虾膏之后，可将虾头分件放入口中细细咀嚼，会食到蜂拥而出嘅浓浓虾味。搭配嘅桔子蛋黄酱亦系加分位之一，提味而不腻口。
银鳕鱼：
鱼质细腻柔软，外皮轻薄脆身，材料好，就系唔需要过多调味，轻轻一烧便是人间极品。
.
鹅肝：
表面焦黄浓香嘅丰腴鹅肝，质感温润绵滑，入口近乎即化，加上蓝莓酱作调和，浓腻感平衡得当，好耐都未试过咁正嘅鹅肝，好感动。
握寿司两贯：
两贯寿司分别为黑松露左口鱼同新鲜熟虾寿司🍣。前者鱼脂丰腴，后者虽然质素都唔错，不过弹牙口感就比先前嘅车海老配桔子酱略显失色。
面豉汤：
佢哋嘅面豉汤系用鲜鱼自家煲制嘅，鱼味极为浓郁，同出面嘅粉感面豉汤完全系两码子事。
樱花虾炒饭：
本身呢个炒饭系有埋牛肉嘅，不过由于朋友唔食牛，所以我哋就走牛，虽然冇咗牛肉，但系炒饭依然出色，鸡蛋、红萝卜、青椒、洋葱及樱花虾，加上黑胡椒同海盐，整个炒制过程香味扑鼻，而食落亦系层次丰富，米粒粒粒分明。
自家制甜品：
店员话我哋知佢哋最出名嘅牛乳布丁今日卖晒，不过好在柚子雪芭都非常高质，味道清新香甜，不带柚皮嘅微苦，而且虽然不含奶类成分，口感一依然丝滑，值得一赞。
张贴
