松 (已結業)

朋友介紹黎呢間tbb藝人開嘅日本菜，話有格調，用料新鮮，今日6點半黎到有幸坐到壽司吧枱，可以睇住師傅為客人製作食物。店舖雖小，但裝修有格調，有兩個放左好多款清酒嘅酒櫃，開放式壽司吧枱可以睇哂師傅同客人嘅互動。叫左個三文魚牛油果沙律，撈芝麻醬同配好爽脆嘅透明海澡，感覺清新。呢個係鱈魚春，滑滑溜溜嘅感覺，都係第一次試! 非常特別!太卷好大舊，非常足料。燒帶子配炒蘑菇，燒到好香口，鮮甜彈牙。師傅介紹嘅合時節之選，秋刀魚刺身，d肉好鮮好肥美，果然不時不食，配特製香蔥酸醬油，感覺變得清新。wasabi 係用即磨嘅山葵，係即磨嘅我先會食。魚腩製作成壽司，依然肥美，滿足。燒鱈魚燒得香口，皮脆肉嫩，用醬油醃過，配素麵就剛剛好。素菜梅冷麵，有一粒又甜又滑嘅梅，配有梅味嘅粉紅色冷麵，透心涼。甜品叫左個菠蘿雪芭，好大碗，仲食到有菠蘿絲係入面。柚子雪芭好香柚子味，仲有微微奶香。埋單每人600幾蚊，價錢定價略高，但係環境，服務質素同食材新鮮，整體用餐體驗好好，係同老闆，工作夥伴傾生意嘅好地方，夠哂體面。