閨•家 (西九龍中心) (已結業)

和友人行西九龍中心，攰攰地想坐低食少少嘢，竟然見到一間標榜“無味精”嘅茶餐廳，緊係要入去試吓啦！茶餐廳乾淨企理，價錢相宜，頗多學生幫襯。老火湯(大)$28~ 老火湯十分足料，有合掌瓜，紅蘿蔔，粟米和瘦肉，十分清甜， 最重要係無味精，很有家的感覺。手拍青瓜$28~拍青瓜爽脆，配上酸酸辣辣的炸醬， 又清新有惹味。韭菜豬肉餃$39~ 豬肉口感十分鬆軟，味道甜美，配入大量新鮮韭菜，皮薄餡靚，好味。花雕醉雞飯$48~ 雞肉十分嫩滑，配入醇厚的花雕和杞子，充滿酒香和雞肉的鮮甜。